هو ده بالظبط اللى حاسه بيه ودي النغمة الى جاية على دماغي دلوقتي بما اني جالى تاج تاني برضه ( تات تيت تاتو ترارارا تاتو ترارارارام تات تييييييييييش وأحلى سلام لمنى) يلا نسيب بقى التهريج ده ونشوف التاج
لو أعطيتك ثلاث وردات .. من هم الثلاث الأشخاص اللى هتعديهم الورد اللى معاك ؟؟ بسمة صحبتي وحبيبتي واختي باشمهندسة نسرين لانها وحشاني قوي قوي سرسورة الامورة (سارة خيري) لان انا وهي حاليا بنمر بنفس الازمة لو أعطيتك ورقة بيها 3 سطور فقط و قلت لك أكتب فيهم اللى أنت عيزه هتكتب إيه ؟؟
ياعالم بكره ياحبيبي مخبيلنا ايه ياخوفي بكره ياحبيبي مشوفكش فيه ايامنا بجد بخاف منها مهما بتوعدنا بخونها وبخاف تنسى اللى بتوعد بيه دي الليلة اللى بقابلك فيها خايفة مقابلكش بعديها والدنيا دي ناويلنا عليه اعتقد نقوم نشوف مذاكرتنا احسن بدل التهريج والمسخرة دي
ما هو هدفك فى الحياة ؟؟ اني ابقى حاجة واحقق طموحاتي واغير في مصر "إن شاء الله بكرة هيكون أحسن من النهارده" ِهل تصدق هذه المقولة ؟؟ و لماذا ؟؟
في بكره وبعده والمستقبل كله بتاعنا واحنا بادينا نختار يانغير فيه يامنغيرش لكن الناس بتستهل اختيار اننا منغيرش
أجمل مقولة سمعتها / سمعتيها فى حياتك ؟؟ كثيرون يعرفون كيف يكتبون وقليلون يعرفون فن الكتابة ولكن من حق أي انسان أن يحاول ولا أجد حياء أو خجل من أن أكتب أو أرسم هذا حقي وليس من حق أي ناقد أن يمنعني مهما كانت عباراتي عارية بول جوجان
من المغنى اللى بتحبه أوى و إيه أحلى أغنية ليه بتحبها ؟؟ Micheal Bolton بعشقه لنفس المطرب georgia on my mind الاغنية دي بحس انه بيحب واحدة اسمها جورجيا بس اول مرة احس واسمع حب بالشكل ده احساسه عالى قوي بحس انه كل ذرة في كيانه بتحبها وعايز يطلع ده في كلام الاغنية ويظهر ده في صوته صحيح كل اللى سمعها من اللى اعرفهم قال احساس تاني خالص بلاش اقلوكوا عليه بس بجد اغنية عجباني قوي بين قوسين دي الاغنية اللى هموت وارقص عليها في فرحي بس يارب يرضى اللى فيه النصيب
"غزة" تمثل لك إيه فى حياتك ؟؟
من زمان قوي قررت اني انقطع عن العالم بطلت اقرا جرايد وبطلت اسمع اخبار لاني مش متخيلة ان انسان يبقى واقف قدامه نفس او روح وتبقى عنده القدرة انه يزهق هذه الروح مش متخيلة اي نفس بشرية مريضة تعمل كده فانا مش بقول ان مبداي ده صح بس مريحني مخليني مركزة في اني لو ممكن اعمل حاجة ابتدي بنفسي وباللى حوالي وبلدي ساعتها ابقى اقدر ادي لغزة اللى هي نفيسة على كل واحد اتربى في مصر مسلم او مسيحي
أعطى لإنتمائك لوطنك درجة من مائة ؟؟ انا بعشق ترابها وبموت في حواريها بعشق ناسها وكل مافيها 1000000 في المية
لو تزوجت / تزوجتى و أنجبت بنتين و ولدين أى الأسماء تختار لهم ؟؟ سما ومكاء ومعلش هزود اسم ممكن ليلى كريم وبلال ومعلش هزود اسم مصطفى
عمرك غشيت فى أمتحان و انت ضغير ؟؟ حياتك واحنا كبار كمان صحيح في فترة من الفترات قررت ابطل العادة الذميمة دي وقدرت قولى كده من 3 اعدادي لحد مادخلت كلية واعتقد في الكلية كمان بس بتبقى في مرات الواحد بيضعف فيها قدام الشيطان وربنا يهدينا
لو أتعرض عليك رشوة كبيرة و انت فى زنقة ماليه هتعمل إيه ؟؟ بصوا ياجماعة الشيطان ليه اوقاته يعني اللى بيقبلو الرشاوى دول بني ادمين الله اعلم هما ساعتها كانوا في لحظة ضعف انساني ولا لأ ودرجة ايمانهم كانت ايه وياترى لما ابقى في الموقف ده هكون على درجة ايمان عالية تحميني ولا لأ؟؟ فمقدرش اجاوب على السؤال ده غير لما اكون في موقفهم لكن وانا ايدي في المية الباردة هاقولك لأ والف لأ
تمرر التاج ده لمين ؟؟ ليكي ياعسل
صحيح انا قلت مش هاجاوب على تاجات غير لما اعمل انا واحد بس تعملوا ايه بقى في شغل العيال الصغيرة عامة انا هزود عالتاج ده اسئلة من عندي لانه عجبني قوي
لو أعطيتك ثلاث وردات .. من هم الثلاث الأشخاص اللى هتعديهم الورد اللى معاك ؟؟
لو أعطيتك ورقة بيها 3 سطور فقط و قلت لك أكتب فيهم اللى أنت عيزه هتكتب إيه ؟؟
ما هو هدفك فى الحياة ؟؟
"إن شاء الله بكرة هيكون أحسن من النهارده" ِهل تصدق هذه المقولة ؟؟ و لماذا ؟؟
أجمل مقولة سمعتها / سمعتيها فى حياتك ؟؟
من المغنى اللى بتحبه أوى و إيه أحلى أغنية ليه بتحبها ؟؟
"غزة" تمثل لك إيه فى حياتك ؟؟
أعطى لإنتمائك لوطنك درجة من مائة ؟؟
لو تزوجت / تزوجتى و أنجبت بنتين و ولدين أى الأسماء تختار لهم ؟؟
عمرك غشيت فى أمتحان و انت ضغير ؟؟
لو أتعرض عليك رشوة كبيرة و انت فى زنقة ماليه هتعمل إيه ؟؟
تمرر التاج ده لمين ؟؟
قول 3 صفات ب 3 كلمات بس توصف بيهم شخصيتك (يعني كريم طيب خدوم كده
اول مرتب ليك وكان كبير قوي يكفي تجيب اغلى هدايا هاتجيب لكل فرد في عيلتك ايه
برضه بكلمة واحدة ايه اهم صفة عايزها في شريك حياتك
ايه المجال اللى غير دراستك وشايف نفسك فيه قوي حتى لو كان ياشيخ الرسم عالحيطة
بتحب السفر
طب دلوقتى حالا ايه المكان اللى نفسك تكون فيه
بس كفاية كده عليكم التاج ده بحدفه على منى (عصارة الحياة) هاجر (حاسوباتية) ولاصحاب المدونات اللى بيشرفوني بالزبارة واتمنى يجابواو عليه شهد الكلام -- كرانيش -- أنا مذنب -- لحظات --esraa hamed--سمية
|