هتلاقوا العنوان ملوووووووووش أي علاقة باللى هاكتبه دلوقتي
بس أنا دخت في المدونات كتير أٌقلب أقلب ألاقي مايدعى ويسمى التاج
اقعد اقول ياربي يعني ايه تاج
ماهذا المدعو؟؟؟ماهذا المنيل على عينه؟؟؟ مبفهمش غير اني الاقي شوية اسئلة وبعديها يمرروا التاج!!!!لا حول ولا قوة الا بالله
بمخي الحاسبوي قلت خلاص هو يعني مادام بيكتبوا اسم مدونة مثلا او شخص في كتابتهم فتلقائي البلوجر بيبعت ميل للى اتذكر اسمه في البوست يقوله ياعم جالك تاج او انت اتذكرت في الحتة الفلانية زي التاج بتاع الصور في الفيس بوك كده
وبعد لف وتدوير ومعاناة واستجوابات واستفاهمات وتشغيل مخ كتييييييير لقيت ان الزكزك المصري اللى اخترع التاج المصري ماهو الا عبارة عن شوية اسئلة احطهم وابعتهم بسلام في الهوا لمدونة تانية بحيث لما اشوف صحبتي ابقى اقولها انا بعتلك تاج في الهوا القفي بقى
بستظرف انا مش كده
ماعلينا ماعلينا
هو كل الحكاية ان الواحد مفقوع من الزكزك اللى اختراع التاج بحيث ميتفهمش للمبتديء حالتنا لذلك فقررت عنداً وامعانا في قهر هذا الشخص ( الزكزك ) فانا هألف تاج لوحدي مش هاخد تاجات من حد لغاية مايترد على اختراعي العبقري ( التاج بتاعي ) وانتهى البيان
ملحوظة بقى التاج ان شاء الله في البوست الجاي وهامرره(باللفظ اللى بشوفه في المدونات ايه همرره دي مينفعش هابعته يعني؟؟) لمنى الشوربجي صاحبة مدونة عصارة الحياة اللى هتلاقوها في الجمب كده على يمينك وانت داخل وهابعتهولها مش هامرره عشان هي الوحيدة اللى اعرفها كشخص ماللى بيزوروا مدونتي لكن الزوار الالكترونين العزاز جدا على قلبي جايز معرفكوش لكن يسعدني ويشرفني ان الاقي حد فيكوا جاوب عليه
شكرااااااااااااااااااً
|
أيوه يا سارة فعلا الحاجة أم الأختراع
و حلوة أوى فكرة التاج ده انا مستنية التاج بتاعى و ياريت يا سارة يا حبيبتى براحة عليا شوية
عشان لكل واحد فينا يوم