| Tuesday, February 03, 2009 |
| يمكن |
مااصعب ان تعـــيش داخــل نفـــسك وحيـد
بلا صديــــقِ ... بلا رفيـــــقِ ... بلا حبيـــبِ
الكلمة دي لقيتها في البروفايل بتاع واحدة صحبتي على الفيس بوك
بس علقت معايا
علقت معايا عشان انا ساعات كتير بحس بعكسها
بحس انها مش حاجة صعبة خالص انك تعيش وحيد
اه مع الناس وبتحبهم ويحبوك بس مين صاحبك ؟؟؟؟ انت
ليك صحاب كتير ليك زمايل كتير ليك احباب كتير
ايا كان العدد والانواع والاصناف في الاخر متقنعنيش ان محدش فاهمك قدك
محدش هايقدر يصاحبك قدك
زمان وانا صغيرة يعني كتكوتة كده في اعدادي كتبت قصة عن ان واحدة اخيرا لقيت ضالتها المنشودة في الصداقة
وضالتها دي طلعت هي لانها مكنتش عايزة تواجه نفسها بالحقيقة دي
الواحدة دي هي انا
كنت دايما مش عايزة اعترف ان محدش فاهمني قوي قوي بالدرجة اللى بتمناها غيري
ودايما بصاحب كتير عشان جايز الاقي واحدة تفهمني بالطريقة قوي قوي اللى انا بتمناها
دلوقتي وبعد تجارب صداقة وزمالة وكتيييييييير برجع وأاكد
محدش فاهم نفسك قدك
شوفتوا الجملة دي عملت ده كله ازاي :)
|
posted by Sara @ 2/03/2009 06:36:00 AM   |
|
| 8 Comments: |
-
مش معاكي
نصالح نفسنا اه لكن الصداقه مهمه جدااااااا في حياه الانسان
والحب كمان دي حياه ياتوتا
-
صح مفيش حد فهمك اد نفسك...ولاهيخاف ويحبك قد نفسك
بس ساعات الواحد بيحب يتكلم مع الاخر ويتواصل معاه
دفء أنساني!
-
عندك حق جداااااااااا
محدش فاهم نفسه اد نفسه
:D
-
حياة بلا صداقة.. جثة بلا روح.. دوري صح.. تعيشيها صح.. مع الاعتذار للحزب الوطني وإعلاناته الفاشلة
-
عندك حق كتير بنحس ان نفسنا بس الي فهمناها بس برضو مانقدرش نعيش لوحدنا لان كتير برضو بتحتاجي لراي حد تاني غير رايك
تحياتي ليكي
-
ساعات نفس الواحد بتتقلب عليه عشان كدا بنصاحب ناس غيرنا عشان نقدر نحكى و نكمل
مينفعش نعيش من غير اصحاب
-
صحيح ان محدش هيفهمك الا انتى
لكن الوحده شىء قاسى
الصداقه شىء مهم جدااا
-
أكيد ودا طبيعى ان محدش يفهمك أد نفسك
بس دا مش معناه أبدا ان مايبقاش ليكى أصدقاء وأصدقاء مقربين قوى وأعز أصدقاء كمان
أن ساعات وساعات كتير جدا بتبقى محتاجه حد غير نفسك
|
| |
| << Home |
| |
|
|
|
|
| About Me |
|
Name: Sara
Home: Zakazik, Sharkia, Egypt
About Me:
See my complete profile
|
| Previous Post |
|
| Archives |
|
| بحبه هو وهو وبس |
|
|
|
مش معاكي
نصالح نفسنا اه لكن الصداقه مهمه جدااااااا في حياه الانسان
والحب كمان دي حياه ياتوتا