انا كان عندي بلوج قديمة كده مكنتش عاجباني قوي وعملت فيها موضوع برضه بنفس الاسم ومش عارفة بكرره تاني ليه جايز عشان او مابيجي في بالي كلمة امبارح بيجي في بالى الاغنية اللى بالاسم ده yesterday ماعلينا المهم ماله بقى امبارح امبارح يوم عادي جدا زي بقيت الايام مش عارفة الناس بتعمله يوم مهم ليه امبارح كان عيد ميلادي ال 17 طبعا هههههههههههههههههههههههه هانبتدي من اولها اه هابتدي واللى عاجبه :) انا 17 ومحدش يقدر يقول غير كده طبعا عارف اللى هايحصله انا بالنسبة لى يوم عيد ميلادي ان مكنش كئيب لفكرة اني بكبر فهو بالنسبة لى يوم عادي جدا زي بقيت الايام يعني ايه فرق ايه يعني في اليوم ده بالذات دوناً عن غيره هاحس اني فطيت من 19 وبقيت 20 فجاة هاحس بايه خضة مثلا او رعشة ايه ده مين قال 20 ؟؟ 20 ايه ؟؟ 20عفريت ان شاء الله محدش يقول 20 دي تاني سني الرسمي في شهادة الميلاد 17 مفهوم ؟؟؟ خليكوا فاكرين 17 الظاهر اني هاكتب في كل سطر 17 :) المهم انا شايفة انه يوم عادي ومبزعلش لو حد مفتكروش ( مش فاهمة يفتكره ليه اصلا ) جايز مش شايفة ان لو حد افتكره يبقى بيحبني ومهتم ولو واحد مفتكروش يبقى مبيحبنيش ومش مهتم اخويا نسي وسالته النهاردة كام قالى 12/9 وسكتت كده جايز يفهم ماله 12/9 لغاية ماقلتله وفكرته انه عيد ميلادي وقعد يضحك ساعتها ويقلي مش تفكريني هههههههه ايه المشكلة معنى كده انه مبيحبنيش ومش مهتم مرة كل البيت عندنا نسي عيد ميلاد بابا ( دي فعلا حاجة مش حلوة ) بس مش دليل ابدا على اننا مش مهتمين بيه او مش بنحبه انا بس عاوزة الناس اللى بتاخد مسالة افتكار او نسيان عيد الميلاد بحساسية بلاش اعتبروه يوم عادي زي اي يوم مفيش اي حاجة مميزة فيه |