انا جاتلى فكرة وانا بغسل المواعين والفكرة حلوة قوي مما يدل ان الستات العبقريات والنابغات مكانهم المطبخ برضه في الآخر :) :) :) :)
المهم نيجي للفكرة
جه على بالي جروب انا مشتركة فيه fci4all الجروب ده ناجح جدا وقدر انه يجمع كليات حاسبات الجمهورية كلها تقريبا وعدد اعضاءه فوق ال 2000 وان شاء الله هو في ازدياد ونجاح اكتر واكتر باذن الله انا قلت لنفسي طب ليه مايبقاش في اسر بنفس الاسم في الكليات على مستوى مصر كلها وبكده نعمل حاجتين نقوي المنتدى والمجموعة البريدية وفي نفس الوقت نخدم الفكرة نفسها اللى هي التجمع للكليات كلهاعن طريق ان يكون في قاسم مشترك بين جميع الكلية وهو الاسرة وبعدين فكرت شوية كمان قلت طب ماهي جمعية رسالة ابتدت بانها كانت اسرة بكلية هندسة طب ليه منعملش العكس ونبتدي بجمعية خيرية ومنها يبقى في اسر في الكليات والهدف بقى من الجمعية بالاضافة للهدف العام وهو توحيد الكليات هدف كمان جميييييييييييييل قوووووووووووي وشدني جدا محو أمية الكبار في الكمبيوتر ( مبدئياً ) في الجمهورية كلهااااااااااااااااااااا ياااااااااااااااااااااه الفكرة شعشعت قوي في دماغي وان شاء الله باذن الله اول مخلص الامتحانات هاكون صورة عامة للجمعية دي وهاعرضها على الجروب واحاول اجمع تاييد للفكرة دي وناس متحمسين وان شاء الله باذن الله ننفذها ادعولى يارب اقدر احقق ولو جزء من الحلم ده لاني حاسة انه جميل قوي وهايقوي سمعة الكلية على مستوى مصر كلها وعمل خيري رائع محتاجاه بلدنا وهايعمل طفرة بجد لان كلنا عارفين اد ايه حجم الجدار الغليظ اللى بين الكبار ( اللى هما اهلنا ) والتكنولوجيا وقليل قوي ونسبة ضئيلة بس منهم اللى بيعرفوا بتعاملوا مع التكنولوجيا الحديثة مين مننا مش بيحلم ان باباه ومامته يكونوا بيعرفوا يستخدموا الكمبيوتر والانترنت وعارف ان حياتهم هاتتغير بعد مايتعرفوا على العالم الجديد ده يارب يارب اعرف احقق الحلم ده وشكراً للمواعين مع اني بكرههاااااااااااااااااااااا :(( |
