عارفين الأفلام الأجنبي لما شخصية من الشخصيات ترمي نفسها من فوق ناطحة سحاب ويغمض عنيه
ويبقى مستسلم كده وعلى ويبقى باين على وشه سلام داخلى ويقعد يفتكر في شريط حياته وده طبعا
وهو مغمض عنيه اعتقد اهم حاجة في الانتحار ده انك تغمض عنيك ولحظة وصوله للأرض تبيض الشاشة دليل اكبر على السلام الداخلى اللى وصله مع الموت
( طبعا مش بتكلم في مبدا الانتحار بس انا بحب التصوير الحسي للحظات دي وانهم خرجوها في الافلام كده )
ماعلينا من المباديء وكل ده
انا نفسي اقفل عنيا وارمي نفسي من فوق حاجة عالية قوي ( وده طبعا هايخليني احس بسعادة اكبر لاني قدرت اطلع على حاجة عالية وارمي نفسي منها يعني تغلبت على خوفي من المرتفعات ) وارمي نفسي وانا ضهري للارض مش وشي ليها عشان لو وشي ليها مع سرعة وقوعي ( المتناسبة طرديا او عكسيا معرفش مع عجلة الجاذبية ) هايبقى الهوا شديد على وشي قوي وهايوجع وشي لكن ضهري ممكن يستحمل شوية عن وشي فاقدر استمتع شوية باللحظة
واغمض عيني زي ماقلنا اهم حاجة اني اغمض عيني
لاني مع تغمضية العين
عايزة انسى كل اللى فات
عايز اسيب كل حاجة المفروض اعملها اليوم ده ورا ضهري
عايزة ارمي اي احساس وحش حسيته في يوم من الايام
عايزة احط شوية كلوركس على مخي من جوه
بمعنى اني مش عايزة اي حاجة تيجي على بالى في اللحظة دي
مش عايزة حد ينادي علي
مش عايزة حد يعرفني
مش عايزة حد يحسدني على الوقعة
مش عايزة حد يستناني على الارض عشان ينقذني
عايزة الشاشة عندي تبقى بيضا
عايزة الكلوركس يشتغل تمام ويبيض كل حاجة
وانا بقى في طريقي للشاشة البيضا النهائية اللى هاتختم الفلم ده
عايزة مفكرش في اي حاجة غير اني مغمضة عنيا وعلى وشي ابتسامة
ابتسامة سلام داخلى
بس على شرط
كلماتك لمستني جدا!! وجشتيني ويارب تكوني بخير..واسفة على عدم مروري من زمان أوي لأني بحاول انجز في الماجستير بتاعي..ادعيلي وربنا يوفقك..تحياتي