من أولها كده
هذا البوسط (من غلبي) بحت واستظرااااااافي بحت فمفيناش زعل من العنوان
اولا يارب يجيلكوا كوابيس
ماهو مش معقول اقدي طول عمري مبشوفش غير كوابيس وانتوا نايمين في العسل بتحلموا أحلام بمبى في بمبي وانا كل وحوش الدنيا طلعلتي وأبشع كوابيس الدنيا مطارداني وكل ماتتخيلوه ومالذ وطاب لكم من أنواع الكوابيس الحمد لله زارتني
 يعني خد لك حبة من كوابيس الوحوش دي على حبة من كوابيس الأمراض على كوابيس الوفاة على مش عارف ايه بتاع الهروب من مش عارف ايه مالاخر كل شين كام ومحدش قالى على نوعية كابوس الا وكان عندي يابيه
الخلاصة انا من اربع سنين في الحكاية دي ومحدش يقولى مثلا يعني من اول مادخلتى الكلية لان الكلية كنت بحبها جدا واحلى ايام حياتي قضيتها في الكلية بس برضه الحمد لله الحمد لله معدتش بتيجي كل يوم زي الاول ولا دفعة واحدة لما اخدلى 2*1 ولا 5*1 حتى
اومال بدعي عليكوا ليه ؟؟؟
لان عرض 2*1 نزلى لفترة محدودة امبارح
يارب يجلكوا كوابيييييييييس ويكونوا 100000*1
ويبقى عرض مستمر
عوووووووووووووووووووووووووووووو
انما بقى العياط ده حاجة تانية وده مينمعش انك ممكن تقوم مالكابوس معيط مفيش مشاكل بس معلش عندي دي سلعة ودي سلعة تانية وبما اني وضحت في بوست قبل كده اد ايه انا بني ادمة رقييييييقة خالص وحساااااااااااسة جدا وبسكوتاااااااااااية من الاخر فانا زهقت بامانة
ماهو مش كل واحد يطلع في التلفزيون ويبقى متاثر حبتين يخليني بقى اسح وامسك المناديل يعني خدوا عندكوا كاااااام موقف اثر في النهارة ويخرب اولمبياد بيكن ياجدعان دي هاتبقى معيطة
اول حاجة في رباع مجري ربنا يشفيه يارب الاثقال وقعت على ضهره :( 
ادي أول اصطباحة في عرضك الله يخليك انا مبستحملش الحاجات دي اخش ايه اتفرج بقى على الجمباز الايقاعي عادي ده بقى حاجة جميلة خالص وأجسام تعقد صحيح بس اهو مزيكا وعروض جميلة خالص تقوملك ايه واحدة من البنات وهي بتعمل العرض بتاعها اتلخبطت ووقعت وقامت كملت عادي ومحصلهاش حاجة لاسمح الله عشان اعيط بس يعني تشوفوا منظرها وهي متضايقة ولا وهي مقهورة عشان هاتضيع التيم بتاعها وهاتنقص من درجات بلدها والبنات صحابها وهما بيواسوها حاجة تصعب على الواحد  طب دي حاجة تخلى الواحد مثلا مشاعيره تترجرج وتتحرك وتتزحزح طب ايه علاقة بنت صغنونة تقريبا حوالى 15 16 سنة كده ولو اني اتخدعت في شكلها افتكرتها 8 9 سنين عشان كده اتاثرت بتلعب للصين وبتلعب حلوقوي وفريق الصين كان فظيع وفرحان بفوزه ايه يخلي اي حاجة في الدنيا تتزحزح وتترجرج وحاجات ملهاش لازمة يكونوش كانوا من بقية اهلى ولا عندي فرع عيلة ضارب في الصين  
سيبك مالبنات جايز انا متعصبة للمرأة وكل حاجة
طب واحد سباح امريكي حقق اكبر انجاز في العالم وحقق رقم عالمي جديد في عدد الميداليات الذهبية الاولمبيبة اللى حازعليها اي شخص في التاريخ مايكل فليبس مالى وماله اتاثر لييييييييييه 
نيجي بقى للدمعة الكبــــــــــــــرى
ان ان اااااااااااه تششششششسسسسسسسسشششش
مصر جابت بروووووووووونز ياجدعااااااااااااان أول ميدالية ليـــــــــــــــــنا في الجودو هيــــــــــــــــــــــــــه
وااااااااااااااااااااااء طبعا مع هيــــــــــــــــــــــــــــــــه لا وايه الواد ايه جابه في اول دقيقة وقضى عليه بالإيبون وكان مية مية لا والأحلى والأحلى الجزائر واخدة البرونز في نفس المسابقة
والله وعمـــــــــــلوها الرجــــــــالة
مبروووووووووووووووووووووووووووووووووووك مش عارفة البوست قلب كده ليه على النشرة الرياضية مــــــــاعلــــــــينا ملحوظة صغننة: زي ماقلت ياجماعة هذا البوست استظرافي بحت فياريت مفيش حد ظريف يخش يشتم في ويقولى ياشيخة روحى ابكي على حالنا وحال المسلمين ولا فلسطين لانه ميعرفش ايه جوايا ولا انا بتكلم في الموضوع ده اصلا انا مجرد بشارككم يوم من ايامي
|
