مساء الخير عليكوا وكل سنة وأنتوا طيبين بمناسبة رمضان ويارب يعود عليكوا أيامه بكل صحة وسعادة وعبادة
أنا عملت حاجة كده متفهموش تقرير ولا ملاحظات ولا ايه بالظبط بس حساها لذيذة ويارب تعجبكم
أنا بقلب في المدونات كتير وأقرا كتير بس كتير قوي مبعلقش فالحكاية دي خلتني اخد بالى وألاحظ حاجات كتير في منها اللذيذ وفي منها اللى مش لذيذ مدونات كتير بتتشابه أسمائها وبوستات كتير بتتشابه أسمائها وأفكار كتير موجودة في كل مدونة وبوست تلاقى ان مفيش مدونة بتخلى منه المهم سيبنا من المقدمة الطويلة اللى مش عارفة اقولها ونخش على الملاحظات وهاجزئها عشان ميبقاش البوست طويل وممل وحبة تشويق بقى
أول موضوع لقيته منتشر وبيستفزني جدا جداااااااااااا ومعرفش ليه مع أن دي حرية شخصية وممكن أنا نفسي ألاقيني عملت كده في يوم من الأيام بس أهو بقى بيستفزني وخلاص
حكاية قفل المدونة
بتختلف الأسباب طبعا بس منها اللى اتضايق من التعليقات او حد استخف بمدونته فقرر يقفلها فالمدونين التانين يتحايلوا عليه لا ارجع لا متبطلش كانت أزميرالدا كاتبة موضوع عن اللى بياخدوا التدوين على صدرهم لان الموضوع ده برضه بيستفزها بس هي كاتباه بخفة دم جميلة قوي
واهي مدوووونة بتقفل وصاحبتها متعرفش هاترجع تاني ولا لأ
ادي التاني بقى بس ده مش فاهماله خالص كان كاتب في مدونة وقفلها لسبب غريب وفتح واحدة تانية وقفلها برضه وبعدين رجع يكتب فيها تاني
وفي الغالب التلاتة محدش بيقول سبب تركه للمدونة ولا سبب رجوعه أيضا
حاجة غريبة بقى لاحظتها في مدونات كتيرة عبارة عن قهاوي !!!!!
بهزر معاكوا طبعا هما مش قالبينها قهوة ولا حاجة لا دي اسماء مدوناتهم لها علاقة بالقهاوي او القهوة او الشاي هكذا يعني
القهوة العالية
حكاوي القهاوي
قهوة زيادة
مقهى فيروز
شوفتوا أسامي المدونات قهوة كتير قوي إزاي المفاجاة بقى اللى لاقيتها إن مفيش حد تقريبا يعني دخلت لقيته بيكتب أدب قصص أو شعر أو نثر أو أي حاجة إلا وعنده بوست على اسم قهوة أو شاي برضه أو حتى كاكاو المهم إن يكون في فناجين في الموضوع
دي حاجة شدت انتباهي قوي
بدايةً عشان نعرف سر اعجاب الناس بالقهوة لازم نعرف اصلها وفوايدها
وذكريات ويوميات الناس بقى مع القهوة والفناجين المختلفة مش هاتخلص
|
البوست بجد تحححححفة يا سارة
انا دايما بتشدني اسم اي مدونة فيها قهوة و علطول القيني سبت اي حاجة كنت داخلة اعملها و فتحتها اشوف صاحبها بيتكلم عن ايه
طبعا بعد ما احط الرد هنا هروح بردو اشوف اللينكات اللي حطيتيها
اسلوب عرضك في البوست ده بجد هاااايلة
اما عن حكاية قفل المدونات بردو بتضايقني
مع اني مصادفتهاش من ساعة مع بدأت تدوين الا مع اسرار انثي اللي بجد كنت بحب مدونتها جدااااااااا
و نفسي اعرف فعلا قفلتها ليهدي كمان حذفتها خالص
سيبك انتي كل سنة و انتي طيبة يا قمر
و رمضان كريييييم عليكي
:))
▒▒♥▒▒♥▒▒♥▒▒♥▒▒♥▒ ▒▒♥▒▒♥▒▒♥▒▒♥▒▒♥▒ ▒▒♥▒▒♥▒▒♥▒▒♥▒▒♥▒ ▒▒♥▒▒♥▒▒♥▒▒♥▒▒♥▒ kol 3am w antom be5eer ▒▒♥▒▒♥▒▒كـــــــــريــم♥▒▒رمضــــــــان♥▒▒♥▒ ▒▒♥▒▒♥▒▒♥▒▒♥▒▒♥▒ ▒▒♥▒▒♥▒▒ ♥▒▒♥▒▒♥▒