كان ياماكان في سالف السنة اللى فاتت او السنة دي مش فاكرة كتبت هنا في ملكيتي فكرة من قريحتي
بلاش نقول فكرة كتبت حتة من مخيختي
من دماغي من عقليتي من قريحتي زي ماقلت في الاول المهم وانا بطل على الايميل طلة كده لقيت عنوان جميل قوي
"ليه أحلامنا لازم تكون عادية "
قلت الله اكيد الموضوع حلو وانا كنت كاتبه موضوع عن كده انا هفتح الميل اقراه وابقى ارد وابعت اللى انا كتبته في البلوج
تمام لغاية كده تمام
ادخل بقى الاقيك كلام مش غريب على
الاقي الكلام اللى انا كتباه اصلا واللى كنت عايزة ابعته ابصلك على اللى بعته مش انا الله ايه ده
المهم بما ان الجروب ده كان للتنمية البشرية فانا انبسطت جدا قلت ده دليل ان الموضوع بتاعي شغال وينفع بقى يتبعت والناس يعجبها وكده وبجد كنت طايرة بس كانت في حاجة منغصة علي قوي كده قرصاني في اللحمة الحمرا اللى جوا الرهيفة دي
بجد كنت متضايقة من جوايا لان اللى نقلته نقلته وقالت منقول في حين يعني مش هايحصلها حاجة لو قالت منقول منين انا بقدر الامكان بحاول اعمل كده
المهم حاولت ابعتلها واقولها وشكرتها والله بس قلت يعني اذكرلها حتى فكريتي وحقى ده وطلبت منها الرد وطبعا طنااااااااااش
سيبكوا مالموضوع اللى حصل حصل اصلا
بس ده بيخليني افكر كويس في حكاية الملكية الفكرية ومش عارفة ليه حسيت انها عاقبة او جزاء لان الواحد برضه مبيخليش باله من حاجة زي دي يعني بينسخ برامج ايزي جدا وعادي وبينزل افلام واغاني ايزي جدا وعادي ومبرطع ولا همه
انا عارفة ان في ناس هاتقعد تقول ان دي مش زي دي لا يجماعة والله دي زي دي والناس هاتقول برضه اننا من حقنا ننسخ لان الشركات المنتجة بتنزل باسعار خيالية للشركات مش للمستخدم العادي زينا
هرد واقول لا مش حقيقي انا حضرت ندوة رد على كل الاتهامات دي وفي برامج مجانية وحتى اللى مش مجانية بينزل منها نسخ مجانية للطلبة وفي نسخ اصلية موجودة في كل جامعتنا او مؤسساتنا باسعار رمزية جدا
بالنسبة للافلام فالواحد ممكن يشوفها في السينما او لما سعر الد في دي يرخص يبقى يأجر دي في دي
بتمنى اني في يوم من الايام اقدر على نفسي وابتدي اطبق الاقتراحات دي
ها ايه رايكوووووووووووووو؟ |
انتى عندك حق بس دا ميمنعش اننا مصرين يعنى لازم نسرق البرامج و و نصور الافلام و الصورة بتبقى وحشة جدا بس بتنزل على اغلب المواقع و بردو الناس بتتفرج بس من ناحية ان الحاجة دى متوفرة فهى فعلا كدا بس احنا باختصار
مصريييييييييييييييين