الترم اللى فات ده كان انجح ترم لى على المستوى الشخصي والانساني حسيت في الترم ده ان شخصيتي بتاخد شكل ونموها بيكبر بس يخسارة درجاتي مكبرتش :( ولى اسبابي ولعله الخير ان شاء الله وانا واثقة انه الخير انا مش بكتب عشان ابرر لنفسي المجموع الفظيع اللى انا جبته او عشان اقول انا لى حق اني اجيبه بس الناس اللى مستغربة تفهم انا جبت كده ليه والله ياجماعة انا مكنتش بلعب ولا مكنتش بذاكر بالعكس والله ده اول ترم اكون موفقة بين الانشطة والمذاكرة ومتابعة في كل المواد وبنتظم في الحضور اومال جبت كده ليه ؟؟؟ لسبب بسيط جدا مفتحتش الكتاب ايام الامتحانات والجملة دي مفيهاش مبالغة يعني ممكن حد يقول مستحيل ومش ممكن اكيد فتحته بس والله ماتفتح ومعرفش كان مالى مكنتش طايقة افتح كتاب وفعلا متفتحش صحابي بيحاولوا يهونوا على ويقولولي حسد بيني وبينكوا انا الكلام ده مش داخل دماغي انا اللى داخل دماغي ان الدرجات دي فعلا درجاتي واستهالها عشان انا اللى عملت كده ايام الامتحانات وكل شخص يتحمل نتيجة افعاله وكنت عارفة ان اليوم ده هايجي وهاندم عليه اشد الندم طبعا انا راضية جدا عن نتيجتي وبحمد ربنا انها جت في النتيجة مش اي حاجة تانية وعلى امل ان ربنا يكرمني ويهديني في حياتي يارب المشكلة اني كنت حاسة اني من نوع الشخصيات اللى لما بيقع بيقوم بسرعة وبيقوم اقوى من الاول بس انا دلوقتى حاسة ان الوقعة جامدة قوي وحاسة اني مش هاعرف اقوم منها عشان كده ياجماعة لو حد عنده اي جملة مساعدة او قصة تشجيعية ياريت يقولهالى عشان يرفع من معنوياتي شوية ارخم حاجة في الموضوع ده اني نكدت على اهلى نكد مش طبيعي وحساهم مكسورين بسببي حساهم كانوا متعشمين في الخير كله ومتعشمين اني افرحهم وعارفين ومتاكدين اني اعرف افرحهم وخذلتهم هما جايز شايفني بمثل انه مش فارق معايا واني جامدة وبضحك وبهزر وشايفين ومتضايقين من ده لكن والله هما مايعرفوا باللى انا حاسة بيه واد ايه انا زعلانة عشان خذلتهم مش عايزة اقول هاعوضهم السنة الجاية عن كده عشان زي ماقلت مش متاكدة اني هاعرف اقوم تاني جايز صدمات زي دي لما بتيجي للناس كلها بتبقى دافع ليهم بس مش حاسة انها هاتبقى كده بالنسبة لى معلش دوشت اي حد بيقرا بي حبيت انفس عن اللى جوايا شوية |
انا جبت جيد جدا بس على الحركرك 753 عشان الناس بس متتخدش تقول جابت مقبول ولا حاجة